للبنات العجازات

السلام عليكم كيف حالكم يا بنات؟

،،، عساكم مرتاحين ،،،

،،، عندي لكم ثلاث طبخات سهلة ولذيذة للبنات العجازات ،،،

اول طبخة لفائف السمبوسة بالجبنة طبق حلو ويصلح مالح ..


المقادير:

ورق سمبوسة
جبن فيلادلفيا أو كرافت أو بوك أو كيري (اللي تحبينها) بصراحة الفيلادلفيا أحلى
فستق أو جوز هند للتزيين
شيرة أو عسل حسب المتوفر
قصي ورق السمبوسة مربعات واحشيه جبنه ولفيه على هيئة اسطوانية كالسجائر..
إقلي الاسطوانات
ثم صبي عليها الشيرة أو العسل وزينيها بالفستق أو جوز الهند ،،،





ثاني طبخة دجاج مع الخضار بالطريقة المكسيكية ..


المقادير:
> لحم الدجاج مخلي من العظم ومقطع شرائح بطول 2 الى 3 سم
> حبة بصل مقطعة شرايح
> حبة كوسة وحبة جزر مقطعه شرايح
> ملعقتين كرنب برضه شرايح
>2 قرن فلفل حار
>بهارات(ملح, فلفل ابيض ناعم, كركم, كمون ناعم_ كل نوع نصف ملعقة شاي_)
الطريقة:
في هذي الطبخة بنستخدم صينية تيفال واسعة او القدر المحدب حق الصينيين!!
& نضع ملعقتين زيت نباتي في الصينية ونقدحها بعدين نحط البصل ونقلبه وبعدين نحط الدجاج.
& نستمر نقلب على نار عالية حتى تبدا مرقة الدجاج بالظهور عندها نوطي النار شوي ونحرك كل دقيقتين( استغلوا الوقت بتزيين السلطة..والرز)
& بعد كذا نضيف البهارات ثم شرائح الخضار ونستمر بالتقليب حتى يتنشف الدجاج وتبدا بعض القطع بالاحمرار.. وقتها نختبر النضج ونطفي النار..
اكلة رهيبة وماتاخذ وقت ابد.. تستوي في ربع ساعة لانها على نار عالية بالاول ولان مايضاف لها ماء ،،،








واخر طبخة ،،، ربيان بطريقة سريعة ولذيذة ،،،



المقادير:
كيس ربيان حجم صغير مقشر( موجود عند الشركة السعودية للاسماك)
فص ثوم مفروم
جزرة صغيرة مبشورة ناعم
ملعقه صغيرة ملح
نصف ملعقة صغيرة كركم_ورشة فلفل اسود ناعم
ملعقة صغيرة كزبرة خضراء مفرومة*

في مقلاة: نضع 2 ملعقة زيت نباتي ونسخنه وبعدين نحط الثوم والجزر ونقلبه شوي (قيس نص دقيقة)
& نضيف الربيان المغسول والمصفى ونقلبه مع السابق
& اذا بدت موية الربيان تطلع, نضيف الملح والبهارات(بدون الكزبرة)
& نقلبه كل شوي الين تنشف مويته ويصير يستغيث(يعني يطقطق بالزيت بدون قطرة ماء) وقتها نرحمه ونطفي النار ومباشرة نضيف الكزبرة ونقلبه معها وبعدين يصير جاهز للتقديم
مدة الطبخ ماتتعدى 10 دقايق وممكن اثناءها نركب الرز الابيض على النار علشان يستوون مع بعض
& يغرف الرز في طبق دائري ونترك فجوة بالوسط نحط فيها الربيان,, او يقدم كل صنف بلحاله


،،،، وبالعافية عليكم اتمنى انها تعجبكم ،،،،
__________________

مشكوره انا رح اجرابها انا شاء الله

واااااااااااااااااااااااااااااو